Tuesday, December 20, 2011

မြောက်ကိုရီးယားတို့ ချစ်လှစွာသော ခေါင်းဆောင်ကြီး ကင်ကျူံအီ၏ ထူးခြားသော အကြောင်း ၁၀ချက်

Dear Leader (ချစ်လှစွာသော ခေါင်းဆောင်ကြီး)လို့  မြောက်ကိုရီးယားသားတို့ တင်စားတဲ့ မြောက်ကိုရီးယား ခေါင်းဆောင် ကင်ကျူံအီဟာ ဒီဇင်ဘာ ၁၇ရက် စနေနေ့က ရထားစီးခရီး သွားယင်း နှလုံးရောဂါနဲ့ ဆုံးသွားပါတယ်။ သူဆုံးတဲ့အကြောင်းကို မနေ့ကမှ မြောက်ကိုရီးယား မီဒီယာမှာ မျက်ရည်လည်ရွှဲပြီး ကြောငြာလိုက်မှ ကမ္ဘာက သိလိုက်ရပါတယ်။ ပြောရရင်တော့ (အမေရိကန်တို့ တောင်ကိုရီးယားတို့ စပိုင်တွေ တော်တော်ညံ့တာပါပဲ။ :P )

အခုဖော်ပြမယ့်အချက် ၁၀ချက်ထဲမှာ အချက်အလက် အမျိုးအစား နှစ်မျိုးပါပါတယ်။ တစ်မျိုးက မြောက်ကိုရီးယား မီဒီယာတွေက ၀ါဒဖြန့်ဖော်ပြထားတဲ့ သူ့အကြောင်းနဲ့ တကယ့် အမှန်အကန် အများသိထားတဲ့ အကြောင်းတွေပါ။ ဒီဟာကို အရင်ကတည်းက တင်ဖို့ပါပဲ နောက်မှ တင်မယ်တင်မယ်နဲ့ အခုတော့ သူမရှိတော့မှ တင်သလို ဖြစ်သွားပါတယ် :P

၁. ကင်ကျူံအီဟာ အလွန်ထူးခြားလှတဲ့သူဖြစ်တယ်။
မြောက်ကိုရီးယားရဲ့ သမိုင်းစာအုပ်ထဲမှာ ဖော်ပြထားချက်အရ ကင်ကျူံအီကို လျှို့ဝှက်တဲ့နေရာမှာရှိတဲ့ ကိုရီးယားတို့ရဲ့ အထွတ်အမြတ်တောင်(Mt. Paekdu) ပေါ်က သစ်လုံးတဲအိမ်လေးမှာ မွေးဖွားခဲ့တာဖြစ်ပြီး သူမွေးတဲ့အချိန်မှာ ကောင်းကင်ပေါ်မှာ ကြယ်တစ်စင်း ထလင်းသွားကာ၊ ရာသီဥတုတွေကလည်း ရုတ်တရက် ဆောင်းကနေ နွေဦးကိုပြောင်းသွားပါတယ်။ ပြီးတော့ သက်တန့်တွေကလည်း ပြိုင်တူပေါ်လာကြပါတယ်တဲ့။ တကယ်တမ်းက သူ့ကို ရုရှနိုင်ငံထဲက ပြောက်ကျားစစ်စခန်းတစ်ခုမှာ သူ့အဖေက ဂျပန်တွေဆီကနေ ထွက်ပြေးနေချိန် မွေးဖွားခဲ့တာလို့ တော်တော်များက ယူဆထားကြပါတယ်။

၂. သူဟာ ဖက်ရှင်လောကမှ ရှေ့ဆောင်ဖြစ်တဲ့သူပါ။
မြောက်ကိုရီးယား သတင်းစာ Rodong Sinmunထဲမှာ ဖော်ပြချက်အရ သူရဲ့ တမူထူးခြားတဲ့ ၀တ်စားဆင်ယင်ပုံဟာ ကမ္ဘာ့ဖက်ရှင်လောကမှာ ထင်ရှားလာနေပြီး သူရဲ့ ဘောင်းဘီကိုဖုံးပြီး ၀တ်တဲ့ ဇစ်ဆွဲ ကာကီအင်္ကျီ ဒီဇိုင်းဟာ ကမ္ဘာ့ပေါ်က လူတော်တော်များဆီး ပျံ့နှံ့ရောက်ရှိနေလို့ ဒါဟာ သူရဲ့ သူမတူတဲ့ပုံရိပ်နဲ့ လူတွေအပေါ်လွှမ်းမိုးမှု ရှိတဲ့ ပြယုဒ်တစ်ခုဖြစ်ပါတယ်တဲ့ ဒါပေမယ့် သတင်းစာမှာတော့ သူရဲ့ ၄လက်မဒေါင့်ရှိတဲ့ ဖိနပ်ဟာ ကမ္ဘာပေါ်မှာ ခေတ်စားနေခြင်း ရှိမရှိ မဖော်ပြထားပါဘူး။

၃. သူ့ကို ကမ္ဘာက ချစ်ကြတယ်။
မြောက်ကိုရီးယားရဲ့ တီဗွီသတင်းမှာ ဖော်ပြနေကျအရ သူဟာ လက်ရှိ ကမ္ဘာမှာ ထင်ရှားပြီး အရေးပါတဲ့သူ ဖြစ်တယ်။ ဒါကြောင့် သူ့မွေးနေ့မှာဆိုရင် ကမ္ဘာတလွှားက လူတွေဟာ ရုပ်ရှင်တွေ ပျော်ပွဲရွှင်ပွဲတွေနဲ့ ကမ္ဘာတ၀ှမ်းကျင်းပကြတယ်။ တကယ်တမ်းသူဟာ သူရဲ့ နူကလီးယားလမ်းစဉ်ကြောင့် ကမ္ဘာပေါ်ကလူအများစုရဲ့ ၀ိုင်းကျဉ်ခံနေရတာကိုတော့ မပြောထားပါဘူး။

၎. ကင်ကျူံအီဟာ ဟမ်ဘာကာကို တီထွင်ခဲ့တယ်။
မြောက်ကိုရီးယား သတင်းစာ Minju Joson က ဖော်ပြချက်အရ ကင်ကျူံအီဟာ ပေါင်မုန့်နှစ်ထပ်ကြား အသားညှပ်တဲ့ ဆန်းဝစ်စ် တစ်ခုကို တီထွင်ခဲ့တယ်။ ဒီအရသာရှိလှတဲ့ မုန့်ကို တက္ကသိုလ်ကျောင်းသားတွေ အတွက် တီထွင်ပြီး ထုတ်ခဲ့တယ်လို့ ဆိုပါတယ်။ နောက်တော့ ကျောင်းဆရာ ဆရာမတွေနဲ့ တက္ကသိုလ်ကျောင်းသား အများအပြားအတွက် ဒီမုန့်ကို မြောက်မြားစွာ ထုတ်လုပ်နိုင်တဲ့ မုန့်စက်ရုံတစ်ခုကို တည်ဆောက်ခိုင်းစေခဲ့ပါတယ်တဲ့။ တကယ်တမ်း မြောက်ကိုရီးယား ပြည်သူတွေဟာ အစာရေစာ ပြတ်လပ်မှုတွေနဲ့ နေ့စဉ်ရုန်းကန် နေနေရတာပါ။

၅. ကင်ကျူံအီဟာ ကမ္ဘာမှာ အကောင်းဆုံး ဂေါက်ရိုက်နိုင်သူတစ်ယောက် ဖြစ်တယ်။
၁၉၉၄ ခုနှစ်တုန်းက မြောက်ကိုရီးယား မီဒီယာတွေ ဖော်ပြချက်အရ သူဟာ ဂေါက်ပွဲစဉ်တစ်ခု ရိုက်ရမှာ ၁၈ကျင်းကို ၃၈ချက်နဲ့ ရိုက်နိုင်တဲ့သူဖြစ်ပြီး ၅ကျင်းကို တချက်တည်းစီနဲ့ ၀င်အောင် ရိုက်နိုင်ခဲ့ပါတယ်လို့ ဆိုပါတယ်။ ဒါကြောင့် သူဟာ အဲဒီအချိန်လက်ရှိ စံချိန်တင်ထားတာထက် ၂၅ချက်အောက်တောင် ရိုက်နိုင်ခဲ့ပါတယ်။ ပရိုဂေါက်သမားတွေ စိတ်သက်သာရစေခဲ့တာက အဲ့နောက်ပိုင်းသူဟာ ဂေါက်ရိုက်ခြင်းကို အပြီးအပိုင် စွှန့်လွှတ်သွားတယ် ဆိုပါတယ်။ (တော်ပါသေးရဲ့)

၆. ကင်ကျူံအီဟာ ဟောလီးဝုဒ်ရုပ်ရှင်တွေကို ကြိုက်နှစ်သက်သူတွေ ဖြစ်ပြီး သူ့မှာ စုဆောင်းထားတဲ့ ဇတ်ကားပေါင်း နှစ်သောင်းကျော်ရှိပါတယ်။ သူကြိုက်နှစ်သက်တဲ့အထဲမှာ "Friday 13th", Rambo နဲ့ ဂျပန်ရှေးတုန်းက Godzilla ဇတ်ကားတွေပါဝင်ပါတယ်။မင်းသမီးကြီး Elizabeth Taylor ဟာ သူအနှစ်သက်ဆုံး ရုပ်ရှင်မင်းသမီး ဖြစ်ပါတယ်တဲ့။ (Elizabeth Taylor လည်း ဒီနှစ်ထဲမှာ ဆုံးသွားခဲ့တာ သံသယ ဖြစ်စရာပဲနော်)။ နောက်ပြီး သူဟာ ရုပ်ရှင်ကြည့်တာအပြင် ရုပ်ရှင်ရိုက်တာလည်း ၀ါသနာ ပါပါတယ်။ တခါက တောင်ကိုရီးယားရဲ့ ထင်ရှားတဲ့ ရုပ်ရှင်ဒါရိုက်တာ Shin Sang-ok ကို ရုပ်ရှင်ဆန်ဆန် ပြန်ပေးဆွဲပြီး မြောက်ကိုရီးယားမှာ ရုပ်ရှင်တွေ ရိုက်ခိုင်းခဲ့ပါသေးတယ်။ (ဒီအကြောင်း ကြုံရင် အသေးစိတ် ဖော်ပြပါဦးမည်)။

၇. Hennessy ရဲ့ ကမ္ဘာ့အကြီးဆုံး ဖောက်သည်
၁၉၉၀ကျော် နှစ်များက Hennessy Whiskey ကုမ္ပဏီက သူရဲ့အကောင်းဆုံး ဖောက်သည်ဟာ ကင်ကျူံအီပါလို့ ထုတ်ဖော်ပြောကြားဖူးပါတယ်။ ကင်ကျူံအီဟာ နှစ်စဉ် ဒေါ်လာ ၆သိန်းကနေ ၈သိန်းခွဲကြား တန်ဖိုးရှိ အရက်တွေကို ပုံမှန်မှာယူလေ့ရှိတယ်လို့ ဆိုပါတယ်။

၈. ကင်ကျူံအီဟာ အမြင့်ကြောက်သူဖြစ်တယ်။
ကင်ကျူံအီဟာ သူ့အဖေ ကင်အီစွန်းလိုပဲ အမြင့်ကြောက်သူ ဖြစ်တယ်။ သူဟာ ပြည်ပကို ခရီးထွက်ခဲပြီး ခရီးထွက်ရမှာလည်း ရထားနဲ့ပဲ သွားလေ့ရှိပါတယ်။ ဒီအကြောင်းကို ဒီပိုစ့်မှာ ဖော်ပြခဲ့ဖူးပါတယ်။

၉. ကင်ကျူံအီဟာ အနုပညာရှင်ဖြစ်တယ်။
ကင်ကျူံအီရဲ့ တရားဝင် ကိုယ်ရေးအတ္ထုပ္ပတ္တိအရ သူဟာ အော်ပရီ ၆ပုဒ်ကို နှစ်နှစ်အတွင်း ရေးသားခဲ့ဖူးတယ်။ နောက်ပြီးတော့ ပြဇတ်ဒါရိုက်တာလုပ်ရတာလည်း ၀ါသနာပါပြီး ၂၀၀၉ခုနှစ်မှာ မြောက်ကိုရီးယား တီဗွီရဲ့ ဖော်ပြချက်အရ ၁၉ရာစုနှစ်က ရုရှ စာရေးဆရာ Pushkin ရဲ့ ၀တ္ထုကို ရုရှ အော်ပရာနဲ့ သီချင်းရေးဆရာ Tchaikovsky က အော်ပရာအနေနဲ့ ပြန်ရေးထားတဲ့ Yevgeny Onegin (Eugene Onegin) အော်ပရာကို ကင်ကျူံအီဟာ ဒါရိုက်တာလုပ်ပြီး ပြဇတ်ကခဲ့ပါတယ်တဲ့။ ဒီလိုဇတ်ရုံမှာ ဒီပြဇတ်ကို ကပြစေတာဟာ မြောက်ကိုရီးယား ပြည်သူတွေ ကမ္ဘာယဉ်ကျေးမှုကို ပိုပြီး နားလည်စေလာဖို့အတွက်လို့ သူကပြောပါတယ်။ (၁၉ရာစုနှစ်က ယဉ်ကျေးမှုပေါ့နော်)

၁၀. သင်မရှိလျှင် အမိမြေလည်း မရှိနိုင်ပါ (No Motherland without You)
No Motherland without You ဆိုတဲ့ သီချင်းဟာ မြောက်ကိုရီးယားမှာ သူ့ကို ဂုဏ်ပြုတဲ့ သီချင်းတစ်ပုဒ်ပါ။ သီချင်းရဲ့ Chorus ဆန်ဆန် အပုဒ်က ဒီလိုဆိုပါတယ်တဲ့ "We are unable live without you,Our country is unable to survive without you! Our Comrade Kim Jong-il!" ဒီသီချင်းက မြောက်ကိုရီးယားမြို့တော် ပြုံးယမ်က အသံချဲ့စက်တွေမှာ မကြာခဏ ပေါ်ထွက်လာတဲ့ သူရဲ့ဂုဏ်ပြုသီချင်းပါပဲတဲ့...

Bonus:
တခါက ဘီဘီစီ သတင်းထောက်ကိုယ်တိုင် မြောက်ကိုရီးယားရဲ့ သူတို့ခွင့်ပြုတဲ့နေရာတွေမှာ လိုက်လံရိုက်ကူးပြီး အင်တာဗျူး မေးမြန်းခဲ့တဲ့ Documentary တစ်ခုကို ကြည့်ခဲ့ဖူးတုန်းက မှတ်မှတ်ရရ ဖြစ်ခဲ့ဖူးတာ တစ်ခုရှိတယ်။ တက္ကသိုလ် ကျောင်းတစ်ခုမှာ အဂ်လိပ်စာကောင်းကောင်း ပြောနိုင်တဲ့ ကျောင်းသားတွေထဲက တစ်ယောက်ကို သူတို့ ခေါင်းဆောင်ကြီးအပြင် တခြားနိုင်ငံက ခေါင်းဆောင်တွေထဲမှာ အားကျလေးစားရတဲ့ ခေါင်းဆောင်တွေ ရှိလားဆိုတော့ .. ရှိပါတယ်တဲ့ ဘယ်သူတွေလဲဆိုတော့... စတာလင်တို့ မော်စီတုန်းတို့ဟာ သူလေးစားရတဲ့ ခေါင်းဆောင်တွေပါတဲ့။ သတင်းထောက်က သူ့ကိုတော့ ပြန်မပြောပါဘူး ဒါပေမယ့် နောက်ခံစကားပြောမှာတော့ စတာလင်တို့ မော်စီတုန်းတို့ကို လေးစားတဲ့ ကောင်လေးရေ အခု ဘယ်ခေတ် ဘယ်ရာစုကို ရောက်နေပြီးလဲဆိုတာ သိရဲ့လားဆိုပြီး ပြောထားတာ သဘောကျမိတယ်။ Documentary ကို ယူကျူမှာ ပြန်ရှာတွေ့လို့ လင့်ခ်ထားပေးပါတယ်။ ၆မိနစ်ခန့်မှာ အဲဒီအခန်းပါပါတယ်။

Ref:
http://listverse.com/2010/05/30/top-10-crazy-facts-about-kim-jong-il/
http://abcnews.go.com/International/kim-jong-il-dead-top-10-crazy-facts/story?id=15187293#9
http://www.globalpost.com/dispatches/news/regions/asia-pacific/kim-jong-il-top-10-weird-facts-about-north-koreas-late-leader

Related:
မြောက်ကိုရီးယား ခေါင်းဆောင် အမွေခံ ကင်ဂျူံအန်း၏ ဆံပင်ပုံစံ မြောက်ကိုးရီးယား လူငယ်တွေအကြား ခေတ်စား

4 comments:

  1. ဘာပဲပြောပြော ပြည်သူရဲ့ ချစ်ခင်မှုရတယ် ဆိုရင်လဲ..သူ့အတွက် ဂုဏ်ယူစရာပါလေ.....
    ကျေးဇူးပါလို့...အဲဒါကြောင့် သူတို့တွေ ဒီလောက်ငိုယိုကြတာကိုး...

    ReplyDelete
  2. ငိုနေတဲ့ သူတွေကတော့ တာဝန်တရပ်ထမ်းဆောင်နေသလိုပဲနော်

    ReplyDelete
  3. ကိုအောင်(ပျူနိုင်ငံ)December 20, 2011 at 11:42 PM

    ကင်ကို ချစ်တဲ့အထဲ မြန်မာပြည်က ကိုသန်းရွှေတို့လည်း ပါမှာပါ ...း)

    ReplyDelete
  4. ပျော်သလိုပဲ အေးတာပေါ့း))

    ReplyDelete