Thursday, January 17, 2013

သင် မသိသေးတဲ့ စင်ကာပူနိုင်ငံရဲ့ ထူခြားတဲ့ အကြောင်း ၁၀ ချက်

ကျနော်လက်ရှိ နေထိုင်နေတဲ့ စင်ကာပူနိုင်ငံ ဆိုတာ ၁၉၆၅ခုနှစ်မှာ မလေးရှားနိုင်ငံကနေ ခွဲထွက်ခဲ့တဲ့ ကျွန်းနိုင်ငံပိစိလေးပေါ့။ ဒါပေမယ့် သူက First World Country လို့ခေါ်တဲ့ အလွန်အမင်း ချမ်းသာတဲ့ ကမ္ဘာ့ပထမတန်းစား နိုင်ငံထဲမှာပါတယ်။ ဒါကတော့ လူတိုင်းလိုလို သိမှာပါ။ ဒါပေမယ့် လူတိုင်းလိုလို မသိသေးတဲ့ စင်ကာပူနိုင်ငံရဲ့ ထူးခြားတဲ့ အချက်တွေ ရှိပါတယ်။ အဲဒါကို ဗဟုသုတ အလို့ငှာ အပျင်းပြေစေကြောင်း အလို့ငှာ အောက်မှာ ဖော်ပြပေးလိုက်ရပါတယ်။

၁. စင်ကာပူနိုင်ငံဟာ ကျွန်းမကြီး ၁ ခု၊ ကျွန်းငယ်လေးပေါင်း ၆၃ ခု ပါဝင်တဲ့ နိုင်ငံငယ်လေးပါ။

၂. မိုနာကို နိုင်ငံလေးပြီးရင် စင်ကာပူနိုင်ငံဟာ ကမ္ဘာပေါ်မှာ ဒုတိယ လူနေထူထပ်ဆုံး နိုင်ငံပါတဲ့။ နိုင်ငံကကျဉ်း လူနေတာကများတော့ ဟုတ်တာပေါ့။ မြန်မာတွေကလည်း ဒီအထဲမှာ အားဖြည့်ထားတယ် :D

၃. စင်ကာပူနိုင်ရဲ့ ရုံးသုံးစာနဲ့ စကားဟာ အဂ်လိပ်စာနဲ့ စကား ဖြစ်ပေမယ့် "Majulah Singapura" ဆိုတဲ့ စင်ကာပူနိုင်ငံတော် သီချင်းကတော့ 'မလေး' လို စပ်ဆိုထားပါတယ်။ သီချင်းခေါင်းစဉ် နာမည်ကတော့ "Onward Singapore" ပါတဲ့။ ဒီသီချင်းကို သီဆိုတဲ့အခါ 'မလေး' လိုပဲ သီဆိုရမယ်လို့ ဥပဒေနဲ့ကို သတ်မှတ်ထားပါတယ်။

၎.  "The Merlion" လို့ခေါ်တဲ့ ခြင်္သေ့တစ်ပိုင်း၊ ငါးတစ်ပိုင်း အရုပ်ဟာ စင်ကာပူနိုင်ငံ သင်္ကေတအရုပ်ဖြစ်ပြီး၊ ခြင်္သေ့အရုပ်က စင်ကာပူကို စတင်တွေ့ရှိခဲ့တဲ့ မင်းသားလေးက ဒီကျွန်းမှာ ခြင်္သေ့နဲ့တူတဲ့ သတ္တ၀ါတွေ တွေ့ရှိခဲ့တာကို အစွဲပြုပုံဖော်ပြီးတော့၊ ငါး ကိုတာ့ စင်ကာပူနိုင်ငံ စဦးကာလဟာ တံငါရွာလေး ဖြစ်ခဲ့တာကို အစွဲပြုပြီး ပေါင်းစပ်ပုံဖော်ထားတယ်လို့ ဆိုပါတယ်။ စင်ကာပူက အပန်းဖြေ စခန်း 'ဆန်တိုစာ' (Sentosa) ကို သွားရောက်လည်ပတ်ရင်တော့ ဒီပုံပြင်လေးကို ကြည့်ရမှာပါ။

The-Merlion-Singapore-Symbol
The Merlion (Sentosa, Singapore)

၅. စင်ကာပူနိုင်ငံမှာ အဆောက်အဦးတွေ အားလုံး မီတာ ၂၈၀ထက် ပိုမြင့်ပြီးတည်ဆောက်လို့ မရပါဘူးတဲ့။ အခုလက်ရှိ အဲလောက်မြင့်အောင် ဆောက်ထားတဲ့ အဆောက်အဦး သုံးခု ရှိပါတယ်။ အဲဒါတွေကတော့ OUB Center, UOB Plaza နဲ့ Republic Plaza တို့ပဲ ဖြစ်ပါတယ်။

UOB Plaza Towers, OUB Centre and Republic Plaza
UOB Plaza Towers, OUB Centre and Republic Plaza


 Photo Credit: Wiki

၆. စင်ကာပူနိုင်ငံရဲ့ အမြင့်ဆုံးနေရာဟာ Bukit Timah လို့ ခေါ်တဲ့ တောင်ကုန်းလေးတစ်ခု ဖြစ်ပြီး အမြင့်ပေ ၁၆၄မီတာသာ မြင့်ပါတယ်။ 

၇. Suntec City လို့ ခေါ်တဲ့ တာဝါ အဆောက်အဦး ငါးခုဟာ စင်ကာပူကို လာဘ်လာဘ ရွှင်စေကြောင်း ယတြာကောင်းချေလို့ ဖုန်းရွှေ ပညာနဲ့ လက်ဖ၀ါး ပုံစံ ဆောက်လို့ထားပါတယ်။ တာဝါ ငါးခုကို လက်ချောင်းငါချောင်း သဏ္ဍန် အနိမ့်အမြင့်အတိုင်း တည်ဆောက်ထားပြီး အလယ်မှတော့ လက်ဖ၀ါး သဏ္ဍန် ရေပန်းကြီး တစ်ခု ပြုလုပ်ထားပါတယ်။ အဲဒီ ရေပန်း တစ်ခုတည်းတင် အမေရိကန်ဒေါ်လာ ၆သန်း ကုန်ကျခံကာ ၁၉၉၇ခုနှစ်မှာ တည်ဆောက်ထားပါတဲ့။

၈. စင်ကာပူနိုင်ငံတွင်းမှာ ပီကေ (Chewing Gum) ကို စားသုံးခြင်း၊ သယ်ဆောင်ခြင်း၊ လက်ဝယ် ထားရှိခြင်းပြုလျှင် ကြိမ်ဒဏ်၊ ထောင်ဒဏ် စသည်ဖြင့် ကြီးလေးသော ပြစ်ဒဏ်များ ခံရနိုင်သည်။

၉. ကမ္ဘာပေါ်မှာ မီလျံနာ သူဌေးအများဆုံး နိုင်ငံကို ပြပါဆိုရင် စင်ကာပူနိုင်ငံကိုပဲ ပြရမှာ ဖြစ်ပါတယ်။ ၂၀၁၁ခုနှစ်က စားရင်းဇယားများအရ စင်ကာပူနိုင်ငံသား အယောက် ၁၀၀မှာ ၁၇ယောက်ဟာ မီလျံနာ သူဌေးများ ဖြစ်ပါတယ်။

၁၀. စင်ကာပူမှာ အရောင်းကောင်းဆုံး စာအုပ်ကတော့ သရဲ ဇတ်လမ်းစာအုပ် ဖြစ်ပြီးတော့ Russell Lee လို့ အမည်ဝှက်နဲ့ ရေးခဲ့တဲ့ စာရေးဆရာရဲ့ "True Singapore Ghost Stories" (စင်ကာပူ၏ သရဲ ဖြစ်ရပ်မှန် ဇတ်လမ်းများ) ဆိုတဲ့ စာအုပ်ကတော့ အတွဲ ၁၁တွဲထိ ထွက်ခဲ့ပြီး  အုပ်ရေ ၁သန်းနီးပါး ရောင်းချခဲ့ရပါတယ်။


Wednesday, January 16, 2013

တိုက်တိုက်ဆိုင်ဆိုင် ကြုံတဲ့ Lee Cooper နဲ့ Converse ပရိုမိုးရှင်း

အခုတလော တရုတ်နှစ်ကူး နီးပြီမို့ ပရိုမိုးရှင်းတွေပဲ နေရာတိုင်း ရှိနေလို့ပဲလား ဒါမှမဟုတ် မောင်သန့်ပဲ ကြံဖန်ကံကောင်းနေလို့ပဲလား မသိ။ မနေ့ ညနေ ရုံးက ဆင်းတော့ ခရီးတစ်ခုသွားတော့မှာမို့ ရာဇသံနဲ့ ဈေးဝယ်ခိုင်းခံရသော မောင်သန့်သည် ဂျင်းဘောင်းဘီ တစ်ထည်နှင့် ဖိနပ်တစ်ရံ ၀ယ်ရန် အကြောင်း ဖြစ်ပေါ်လာသည်။ ဘောင်းဘီဆိုလျှင် မည်သည့်ဘောင်းဘီ၊ ဖိနပ်ဆိုလျှင် မည်သည့် ဖိနပ်ဆိုသည်ကို ရွေးချယ်စရာ မလိုသောကြောင့် မဒီကို မပင်ပန်းစေပဲ တကိုယ်တော်သာ ရှော့ပင်ထွက်လေသည်။

သို့နှင့် အလုပ်ဆင်းရသည့် နေရာနှင့် အနီးဆုံးဖြစ်သော 'ဗီဗိုစီးတီး' (Vivo City) ရှိ Converse (All Star) ဖိနပ်ဆိုင်သို့ တန်းကာ ချီတက်လေသည်။ ကံဆိုးချင်တော့ လိုချင်သည့် ဖိနပ်မှာ မိမိ စီးနေကျ ဆိုဒ် မရှိ။ ကံကောင်းချင်တော့ ဘောင်းဘီဝယ်ရန် အောက်ထပ်ကို ဆင်းခါနီး Converse ဘေးဆိုင်က Lee Cooper တွင် ၂၀ရာခိုင်နှုန်း လျှော့သည်ဟူသော ဆိုင်းဗုဒ်ကြီးကို တွေ့လိုက်ရလေသည်။ သို့နှင့် ထိုဆိုင်သို့ မပြေးရုံတမယ် ၀င်ကာ ဂျင်းဘောင်းဘီများကို ၀င်ကြည့်လေသည်။ စင်းဒေါ်လာ ၁၀၀ကျော်အထက်တွင် ရှိတတ်သည့် Lee Cooper ဘောင်းဘီများကို ၂၀ရာခိုင်နှုန်းလျှော့မည် ဆိုလျှင် မဆိုးသေးချေ။ စိတ်ကြိုက် ဘောင်းဘီ အရောင်နှင့် ပုံစံ တွေ့သဖြင့် ဈေးနှုန်းကို သဲထိတ်ရင်ဖို ကြည့်လိုက်မိသည့်အခါ ထခုန်မတတ် ဤအမောင် ပျော်မိလေသည်။ အကြောင်းမှာ ဆိုင်ပုဒ်တွင် ရေးထားသော ၂၀ရာခိုင်နှုန်းအစား ပုံမှန်ဈေးထက် ၅၀ရာခိုင်နှုန်းအထိ ဈေးချထားခြင်း ဖြစ်လေသည်။ စာရေးမလေးကို သေချာအောင် မရဲတရဲ မေးကြည့်သောအခါ ဟုတ်သည်ဟု ပြန်ဖြေပြီး လိုချင်သော ဆိုဒ်ကို ထုတ်ပြကာ စမ်းဝတ်ခိုင်းလေသည်။ စမ်းဝတ်လို အဆင်ပြေတော့ ယူမည်ဟု တန်းပြောကာ မောင်သန့်ခမျာ ၉၉ စင်းဒေါ်လာ ပြားဘလာဘလာ ဘောင်းဘီကို ၄၉ စင်းဒေါ်လာ ပြားဘလာဘလာဖြင့် ရခဲ့ချေတော့သည်။

သို့နှင့် ဖိနပ်ဝယ်ရန် ကျန်နေသေးသည်။ အနီးစပ်ဆုံး ရနိုင်သည့် နေရာကို စဉ်းစားသောအခါ ဖွင့်တာ သိပ်မကြာသေးသည့် 'ကလမ်မန်းတီ မောလ်' (Clementi Mall) သတိရမိလေသည်။ သို့နှင့် ထိုနေရာသို့ ဘတ်စ်ကားဖြင့် ချီတက်သွားလေသည်။ မောလ်ရောက်လို့ ဆိုင်အညွှန်းမှာ Converse ဆိုင်ကို မတွေ့ရသောအခါမှာ ရင်မောသွားသည်။ သို့သော်လည်း စိတ်မလျှော့သေးဘဲ မောလ်ထဲ BHG ဟုခေါ်သည့် Department Store တွင် Converse ကောင်တာ ရှိနိုင်သည်ဟုတ် တွေးကာ BHG သို့ဝင်ကြည့်လေသည်။ ပညာရှိတို့ တွေးကြည့်လျှင် ပြေးကြည့်သည့်အတိုင်း ဆိုသလို (ကွိကွိ) Converse ကောင်တာကို တည့်တည့်ကြီး ရောက်သွားတော့သည်။ သို့နှင့် စီးနေကျ ဘယ်တော့မှ မပြောင်းလဲသော ဖိနပ်အရောင်နှင့် ဆိုဒ်ကို တန်းယူ စီးကြည့်နေစဉ် အရောင်းစာရေးမလေးမှ 'ဒီဖိနပ်က ပုံမှန်ဈေးထက် ၁၅ရာခိုင်နှုန်း ဈေးလျှော့ထားတယ်နော်' လို့ ပြောလိုက်သည့်အခါ မောင်သန့် ဖိနပ်ငုံ့စီးနေရာမှ ခေါင်းထောင်သွားသည်။ အလို ဒီကနေ့ တွတ်ပီ ကံကောင်းချေပါတကား။ သို့နှင့်ပင် Converse ဖိနပ် ၅၉ စင်းဒေါ်လာ ပြား ဘလာဘလာ ကို ၅၀ စင်းဒေါ်လာ ပြား ဘလာဘလာနှင့် ပိုက်ပြီ အမောင် အိမ်ပြန်ခဲ့ချေတော့သည်။ နောက်ဆုံး သဘောပေါက်လိုက်သည်ကား BHG ဆိုင်တစ်ခုလုံး ၁၅ရာခိုင်နှုန်း ဈေးလျှော့ရောင်းနေခြင်း ဖြစ်သည်။

LeeCooper-Converse-promotion
My LeeCooper & Converse



ယခုကဲ့သို့ ပြောပြနေသည်မှာ ၀ယ်လာခဲ့သည်များကို ကြွားလိုသည်ဟု ရည်ရွယ်ခြင်း မဟုတ်ဘဲ အကျွန်ုပ်ကဲ့သို့ တန်ရာတန်ကြောင်းလေးများ စိတ်ဝင်စားသူများ ရှိလေလျှင် ဘယ်အချိန်ထိ မြဲမည်မှန်း မသိသည့် ထိုပရိုမိုးရှင်းများအား အပြေးကလေးများ သွားရောက်ဝယ်နိုင်ဖို့ လက်တို့ကာ ပြောပြလိုခြင်းပင် ဖြစ်လေတော့သည်။

'မာရီယာရှရာဗိုဗာ' တွစ်ပြီ

ဆယ်လစ်ဘရစ်တီ တော်တော်များ အသုံးပြုနေတာ ကြာပြီ ဖြစ်တဲ့ တွစ်တာခေါ် (Twitter) လူမှုကွန်ယက်ဝဘ်ဆိုဒ်ကို ဆယ်လစ်ဘရစ်တီ တစ်ယောက်လို သတ်မှတ်ခံထားရတဲ့ တင်းနစ်မယ်ချောလေး 'ရှရာဗိုဗာ' ဟာ တနေ့ကစတင်ပြီး အသုံးပြုပါပြီ။ လက်ရှိ သြစတေးလျ အိုပင်း တင်းနစ် ပြိုင်ပွဲမှ ၀င်ရောက် ယှဉ်ပြိုင်နေတဲ့ 'ရှရာဗိုဗာ' ဟာ မဲလ်ဘုန်းမြို့ကနေ 'Your ultimate sugarmama has arrived' ဆိုတဲ့ ပထမဆုံး တွစ်လေးနဲ့ ကမ္ဘာတ၀ှမ်းက တွစ်တာ ချစ်သူတွေကို စတင်မိတ်ဆက်လိုက်ပါတယ်။ နှစ်ရက်သာ ကြာသေး သူမရဲ့ တွစ်တာ အကောင့်ကို အခု Follower လုပ်သူပေါင်း ငါးသောင်းကျော်တောင် ရှိနေပါတယ်။

ဖေ့ဘွတ်ကို အသုံးပြုနေတာ ကြာနေပြီဖြစ်တဲ့ 'ရှရာဗိုဗာ' ဟာ ဖေ့ဘွတ်ပေါ်မှာတော့ FANs ပေါင်း သန်းကျော်တောင် ရှိနေပါတယ်။ အဲထဲမှာ ကျနော်လည်း အပါအ၀င်ပေါ့လေ။ လောလောဆယ်တော့ တွစ်တာကို အသုံးပြုလေ့ သိပ်မရှိတာကြောင့် သူမကို Follower လုပ်ဖို့တော့ စိတ်ကူးမရှိသေးပါဘူး။ ဟဲဟဲ နည်းနည်း မာန်တင်ထားဦးမယ်။ ဒါပေမယ့် သူမကို အားပေးကြမယ့် တွစ်တာ အသုံးပြုသူတွေ အတွက်တော့ သူမရဲ့ တွစ်တာ အကောင့်ကို အောက်ပါအတိုင်း ဖော်ပြပေးလိုက်ပါတယ် ခင်ဗျာ။

Maria-Sharapova-Twitter-Account
https://twitter.com/Sharapova_Maria

Thursday, January 10, 2013

နှစ်ပေါင်း ၆၆၅နှစ်ကြာတင်ရှိနေတဲ့ အကြွေးကို ပြယ်စေကြောင်း ဆွစ်တရာရုံးက အမိန့်ချမှတ်

ဆွစ်ဇာလန်က လယ်သမား တစ်ယောက် ဘုရာကျောင်းတစ်ခုကို ၁၃၅၇ခုနှစ်ကစပြီး နှစ်စဉ် ဆွစ်ဖရန့် ၇၀ခန့်  ပေးနေရတာကို အပြီးတိုင် ပယ်ဖျက်ဖို့ တရားရုံးတစ်ခုက အမိန့်ချလိုက်ပါတယ်။ ဒီအကြွေးကို စပေးခဲ့ရတဲ့ လယ်သမားက သေဆုံးသွားတာ ကြာပြီ ဖြစ်ပေမယ့်လည်း သူရဲ့မြေတွေကို ဆက်ပြီး ပိုင်ဆိုင်ကြတဲ့ လူတွေက ဒီအကြွေးတွေကို ပေးနေရတာပါ။ တကယ်တော့ နှစ်စဉ်ပေးနေရတဲ့ အရာဟာ ငွေသားတန်ဖိုး တစ်ခုတော့ မဟုတ်ပါဘူး။ ဘုရားကျောင်းမှာ ထွန်းတဲ့ ကက်သလစ်ဘာသာဝင်တို့ အထွတ်အမြတ်ထားရာ ထာဝရမီးအိမ်ကို မပြတ်ထွန်းလင်းအောင် ထွန်းဖို့ ကုန်ကျတဲ့ လောင်စာဖိုးကို ပေးနေရတာပဲ ဖြစ်ပါတယ်။ မပေးခဲ့ရင် ဘာဖြစ်မလဲဆိုတာတော့ ဒီအကြွေးစခဲ့တဲ့ ဖြစ်စဉ်ကို ပြန်ကြည့်လိုက်ရင် သဘောပေါက်သွားမှာပါ။

Frutigen, church and Alps, Bernese Oberland, Switzerland
 A Church in Switzerland
(Photo via Here)

၁၃၅၇ ခုနှစ်လောက်က 'ကွန်နတ် မူလာ' (Konrad Mueller) ဆိုတဲ့ လယ်သမားဟာ 'ဟင်းနရစ် စတပ်ကီ' (Heinrich Stucki) ဆိုတဲ့ လူတစ်ယောက်ကို သတ်လိုက်မိပါတယ်။ သတ်မိပြီး နောက်ပိုင်းမှာ သူ့ကို ကယ်တင်ဖို့နဲ့ ဓားစာခံဘက် အမျိုးတွေ သူ့ကို လက်စားချေတာကနေ ကာကွယ်ဖို့ အတွက် ဘုရာကျောင်း ဆီကို ပြေးပြီ အပြစ်ဖြေ တောင်းပန်ရှာပါတယ်။ ပြီးတော့ ဘုရားကျောင်းမှာ ထွန်းတဲ့ ထာဝရမီးအိမ်ကို ထာဝရလင်းစေဖို့ ကုန်ကျမယ် လောင်စာဆီဖိုးကို သူခံမယ်လို့ ကတိပြုခဲ့ပါတယ်။ တကယ်လို့ ဒီကတိပျက်ခဲ့ရင် သူပိုင်ဆိုင်တဲ့ မြေကို ဘုရားကျောင်းက သိမ်းနိုင်တယ်လို့လည်း ဆိုခဲ့ပါတယ်။

အဲဒီကနေစ အခုချိန်ထိ 'မူလာ' ရဲ့ မြေကို ၀ယ်မိတဲ့ လူတွေဟာ မြေအသိမ်းမခံရဖို့ အဲဒီ နှစ်စဉ်ကြွေးကို ပေးခဲ့ရတာ နှစ်ပေါင်း ၆၅၅ နှစ်ထိ ရှိပြီဆိုပါတော့။ အဲလိုနဲ့ တခါမှာ ကတိတစ်ခုနဲ့ပဲ ပေးထားခဲ့တဲ့ အကြွေး အစီအစဉ်ကိုကို ဘုရားကျောင်းက မြူနစ်စပယ်မှာ သွားပြီး တရားဝင် စာချူပ်စာတမ်းနဲ့ ဖြစ်အောင် လုပ်ဖို့ ကြိုးပမ်းလာပါတယ်။ အဲဒီအချိန်မှာပဲ လက်ရှိပိုင်ဆိုင်ထား မြေပိုင်ရှင်က ဒါကို ငြင်းပယ်တော့ ဘုရားကျောင်းက တရားစွဲဖို့ လုပ်ရင်းကနေ ၂၀၁၂ ဒီဇင်ဘာ ၂၀ရက်နေ့မှာ တရာရုံးက အထက်အပါအတိုင်း အမိန့်ချလိုက်ခြင်း ဖြစ်ပါတယ်။

တရားရုံးက ပေးတဲ့ အကြောင်းပြချက်ကတော့ အဲဒီခေတ်ကရှိခဲ့တဲ့ မြေယာ ဥပဒေဟာ ၁၈၀၀ခုနှစ်လယ်လောက်ကတည်းက ဆွစ်ဇာလန်ပြည် မြေယာ ဥပဒေများ ပြန်လည် ပြင်ဆင်တဲ့ အချိန်ကတည်းက ဖျက်သိမ်းလိုက်ပြီ ဖြစ်တာကြောင့်လို့ ဆိုပါတယ် ခင်ဗျာ...

ကိုးကားရာ
http://news.xin.msn.com/en/weird/swiss-court-relieves-farmer-of-655-year-old-debt-1

Wednesday, January 9, 2013

စင်ကာပူမှာ သွားဆေးခန်း ပြမယ်ဆိုရင်

အားလုံး သိကြတဲ့အတိုင်း မကျန်းမာလို့ ဆေးခန်းပြရတဲ့အထဲမှာ သွားဆေးခန်း မျက်စိဆေးခန်းတို့မှာ ဆေးဖိုးဝါးခ ဈေးအကြီးဆုံးထဲမှာ ပါသည်။ အထူးသဖြင့် စင်ကာပူမှာဆိုရင် သာပင် ဆိုးသေးတယ်။ ကျန်းမာရေး အာမခံ အင်မတန် အသုံးများသော ဒီနိုင်ငံတွင်ပင် အထူးသဖြင့် သွားနှင့် ပက်သက်သော ကျန်းမာရေး အာမခံ လူအတော်များမှာ မရှိကြပါ။ သွားကျန်းမာရေး အာမခံအတွက် ပေးရသော လစဉ် ပရီမီယံကြေးမှာ ဈေးကြီးလှသောကြောင့် ဖြစ်သည်။

ဘယ်လောက်ပင် အခုလို ဈေးကြီးသော်ငြားလည်း ကျန်မာရေးဆိုသည်မှာ ကိုယ်ဖြစ်ချင်တဲ့အတိုင်း မဖြစ်တတ်တဲ့ ကိစ္စတစ်ခု။ သည်မှာတော့ သွား မျက်စိ စသည်နှင့် ပက်သက်ပြီး တစ်ခုခုဖြစ် တစ်ခုခုပြရသည် ရှိသော် မြန်မာ အများစု လုပ်လေ့လုပ်ထ ရှိသော အထာတစ်ခုမှာ မြန်မာပြည်ပြန်တဲ့ အချိန်နဲ့ တိုက်ဆိုင်ပြီး မြန်မာပြည်မှာ ကုခဲ့ ပြုပြင်ခဲ့ကြချင်း ဖြစ်သည်။ ကုန်ကျသည့် ဈေးဖိုးဝါးခမှာ အင်မတန်မှ ကွာခြားလှသည် မဟုတ်ပါသလား။

အခုတစ်လော အိမ်က မဒီ သွားဆေးခန်းကို အခေါက်အခါခါ သွားနေရသည်။ သူမ သွားများ ငယ်စဉ်က ပြုပြင်ခဲ့ရာမှာ သေချာမှု မရှိခဲ့သောကြောင့် အခုချိန်မှာ ဒုက္ခပေးလာသောအခါ သွားဆရာဝန်နှင့် မပြမဖြစ် ပြရတော့သည်။ သူမ လက်ရှိ အလုပ် မလုပ်နေသောကြောင့် မြန်မာပြည် ပြန်က ပြန်လုပ်လို့ ရနေသော်လည်း ကျနော်မှ ဒီတစ်ခါ လုပ်တာကနေ နောင်ကို တတ်နိုင်သလောက် ထပ်ပြန်မဖြစ်ရအောင် အစစအရာရာ သေချာစေချင်သောကြောင့် ဒီမှာလုပ်ဖို့ ပြောလေသည်။

သို့နှင့် မဒီ သည် ဆေးဖိုးဝါးခ အတွင်းမှ သူမအတွက် ရှော့ပင်ဖိုး ကျန်စေရခြင်း အကြောင်းငှာ ဈေးသက်သာရာ သက်သာစေကြောင်း ဆေးခန်းအပေါင်းတို့ကို ရှာပုံတော်ဖွင့်တော်မူလေတော့သည်။ ဒီကြားထဲ သွားက နာလာတော့ အိမ်နား သွားဆေးခန်းကို ပြေးလိုက်ရသေးသည်။ ဆေးခန်းက ဓါတ်မှန်ရိုက်ရမည် သွားနှုတ်သင့်က နှုတ်ရမည် ဆိုလာကြောင့် သူမမှာ မျက်လုံးလေး ကလယ် ကလယ်နှင့် နာက နာသော်လည်း ဈေးကြီးသောကြောင့် ခေါင်းတခါခါ လုပ်နေသည်။

နောက်ဆုံး ကံကောင်းစေကြောင်း ဆုတောင်းကောင်းခဲ့တယ်လို့ ထင်ရခြင်း အကျိုးငှာ သူမသည် ဈေးလည်း သက်သာ ၀န်ဆောင်မှုလည်းကောင်း မြန်မာလိုပင် ပြောဆို ဆက်ဆံလို့ရသည့် မြန်မာ နပ်စ်မများရှိသော မြန်မာဆရာဝန်မ တစ်ယောက် ရှိသော သွားဆေးခန်း တစ်ခုကို ရှာဖွေတွေ့ရှိလိုက်လေသတည်း။ ဤမျှနှင့် မပြီးသေး နောက်ဆုံး ဆေးခန်းမှ မြန်မာဆိုလျှင် ထပ်၍ ဈေးပင် လျှော့ပေးသည်ဟု ဆိုလာသောအခါ အချိုပေါ် သကာလောင်း သကဲ့သို့ ဖြစ်ရလေတည်း။

အကျွန်ုပ်မှာ သူမကို  သွားဆေးခန်းရောက်လျှင် ဆရာဝန်ကို ပါးစပ်ဖြဲပြကာ အထဲက ပြုပြင်စရာ ရှိသမျှ သွားများ တစ်ချောင်းမကျန် ပြုပြင်ခိုင်းစေရန် ကြိုတင် မှာကြားထားသည်။ ထိုသို့ပြောသည့်အတိုင်းပင် ဆရာဝန်မှ လုပ်ဆောင်လေသောကြောင့် ယခုအခါ သူမမှာ သွားဆေခန်းကို သွားနေရသည့် အခေါက်က လက်ချောင်း နှစ်ဖက်စာ ပြည့်လုနီးနေပြီ ဖြစ်သည်။ သို့သော်လည်း ထိုသို့ သွားနှုတ် သွားပြုပြင်နေစဉ်ကာလအတွင်း သူမမှာ လုပ်ပြီးပြီးချင်း တစ်ရက်လောက် အနည်းငယ် နာကျင်ရုံကာလွဲပြီး ကြားဖူးနေကျသလို ယောင်ခြင်း ကိုင်းခြင်း ဖျားနာခြင်း စသည် မည်သည့် ပြဿနာ ကြီးကြီးမျှ မကြုံခဲ့ရပေ။ ဆေးခန်းက ပေးသော ဆေးများ သောက်ခြင်းနှင့် ညွှန်ကြားချက်များ လိုက်နာဆောင်ရွက်တာလည်း ပါပါသည်။ သွားနှုတ်သည့်အခါတွင်လည်း အချိန်အကြာကြီး မယူ ခက်ခဲစွာ နှုတ်ရသည့် သွားပင်လျှင် တစ်နာရီပင် အချိန်မကြာကြောင်း အကျွန်ုပ်ကိုယ်တိုင် အဖော်လိုက် သွားရင်း တွေ့ရှိခဲ့ရသည်။

ထိုသို့ ညွှန်းစရာ ကောင်းသော ဆေးခန်းမှာ မြန်မာများအတွက် သီးသန့် မြန်မာသွားဆေးခန်းတော့ မဟုတ်ပေ။ လူဖြူ၊ လူဝါ၊ လူညို လူမျိုးပေါင်းစုံ လာရောက် ပြသ ကုသကြသည်ကို တွေ့ရသည်။ မြန်မာ ဆရာဝန်မ တစ်ယောက်တည်း ထိုင်သောဆေးခန်းလည်း မဟုတ်ပေ။ မိမိက မြန်မာဆိုလျှင် မြန်မာ ဆရာဝန်မနှင့် ပြလိုကြောင်း တောင်းဆိုနိုင်သည်။ ပြောသည့်အတိုင်း လူစုံ လာရောက် ပြသသောကြောင့် ဆေးခန်းကို ရက်ချိန်းယူရန်မှာ သုံးပတ်ခန့်တောင် ကြိုတင်ရသည်အထိ ရှိတတ်သည်။ ရက်ချိန်းယူသောအခါ ပြောဆိုဆက်ဆံရ အဆင်ပြေစေရန် မြန်မာနပ်စ်မ များနှင့် ပြောလိုလျှင်လည်း ခေါ်ပေးဖို့ တောင်းဆိုနိုင်သည်။ မြန်မာနပ်စ်မ အင်မတန် ၀န်ဆောင်မှု ကောင်းကြသည်။ ဤမျှလောက်ဆိုလျှင် ဆေးခန်းနှင့် ပက်သက်တာ အတော်များ သိလောက်ပြီ ဖြစ်သည်။

ထိုထိုသော ဆေးခန်း၏ အမည်နှင့် တည်နေရာမှာ အောက်ပါအတိုင်း ဖြစ်ကြောင်း စင်ကာပူရမှ မြန်မာ သွားဆေးခန်းနှင့် ပက်သက်လျှင် ငွေကုန်သက်သာ စိတ်ချမ်းသာ အဆင်ပြေစေရန် အခမဲ့ ကြေငြာမောင်းခတ် ပေးလိုက်ရလေသတည်း

International Dental Centre
No. 6 Gemmill Lane
Singapore 069249

Tel                   65-6372 0082
Fax            :     65-6372 0072
Email         :     admin@idcsg.com
Web           :     http://idcsg.com/
Skype Address          :     idcsingapore
Emergency SMS only :     65-96870775

Tuesday, January 8, 2013

တခြား ဂြိုလ်ပေါ်မှာ သင့်အသက် ဘယ်လောက် ရှိမလဲ

ကျနော်တို့ နေ့ရက်တွေ တွက်ကြတဲ့အခါမှာ ကမ္ဘာက သူ့ဝင်ရိုး အပေါ်မှာ တစ်ပတ်ပြည့်အောင် လည်တာကို တစ်နေ့ (တစ်ရက်)၊ ကမ္ဘာက နေကို တစ်ပတ်ပြည့်အောင် ပတ်တာကို တစ်နှစ်လို့ သတ်မှတ်ပါတယ်။ ကျနော်တို့ နေစကြ၀ဠာမှာ ဂြိုလ်ကြီး ၉လုံးက (အခုတော့ ၈လုံး ပေါ့လေ) သူတို့ ၀င်ရိုးပေါ်မှာ တပတ်ပြည့်အောင် လည်ကြတဲ့အချိန်နဲ့ ကျနော်တော့ ကမ္ဘာကြီး တပတ်ပြည့်အောင် လည်တဲ့အချိန်က မတူဘူး။ တစ်ချို့လည်တာ မြန်သလို တစ်ချို့ကလည်း နှေးတယ်။ အဲလိုပဲ နေကို တစ်ပတ်ပြည့်အောင် ပတ်တာလဲ မတူဘူး။ နေနဲ့ ပိုနီးတဲ့ ဂြိုလ်တွေက တစ်ပတ် ပြည့်အောင် ပတ်နိုင်တဲ့ အချိန်က တိုပြီးတော့ ဝေးတဲ့ ဂြိုလ်တွေက ပတ်နိုင်တဲ့အချိန်က ပိုရှည်တယ်။

အဲဒီတော့ ကျနော်တို့ ကမ္ဘာဂြိုလ်မှာ ကျနော်တို့ ရှိတဲ့ အသက်နဲ့ တခြားဂြိုလ်မှာ ရှိမယ့် အသက်က မတူဘူး။ အဲဒါ တခြားဂြိုလ်မှာ ကိုယ်အသက် ဘယ်လောက် ရှိနေလဲ ဆိုတာ သိရအောင် ကိုယ်မွေးတဲ့ မွေးနေ့ကို ထည့်ပြီး တွက်ပေးတဲ့ ၀က်ဘ်ဆိုဒ်တစ်ခုတွေ့လို့ အပျော်သဘော မျှဝေပေးလိုက်တယ်။ ကမ္ဘာမှာ အသက် ၁၀၀လောက် ရှိနိုင်တဲ့ မွေးခုနှစ်ကို ထည့်ပြီ တွက်လိုက်တာ အောက်ကအတိုင်း ထွက်လာတယ်။ ၀ါသနာပါရင် ဒီဆိုဒ်မှာ စမ်းကြည့်ကြရအောင်...

အသက် အငယ်ဆုံး ဖြစ်ချင်ရင်တော့ နေနဲ့ အဝေးဆုံး ဖြစ်တဲ့ ပလူတို ဂြိုလ်မှာသာ ပြောင်းနေလိုက်တော့။


Sunday, January 6, 2013

စပွန်ဆာနဲ့ ကမ္ဘာတ၀ှမ်းမှာ မဂ်လာဆောင်မယ်

အဂ်လန်မှာ နေထိုင်ကြတဲ့ လီဆာ ဂမ့်န် (Lisa Gant) နဲ့ အဲလက်စ် ပဲလ်လင်းန် (Alex Pelling) တို့နှစ်ယောက် လွန်ခဲ့သော ဆယ်နှစ်ကျော်က စတင်တွေ့ဆုံခဲ့ကြပြီး တစ်ယောက်နဲ့ တစ်ယောက် စိတ်ဝင်စားမှု ရှိခဲ့ကြပါတယ်။ သို့သော်လည်း အဲဒီအချိန်မှာ သူတို့နှစ်ယောက်မှာ ဆိုင်သူကိုယ်စီ ရှိနေကြတော့ ဆုံစည်းဖို့ အခွင့်မသာခဲ့ကြပါဘူး။ နောက်တော့ သူတို့နှစ်ယောက် အဆက်အသွယ် ပြတ်သွားကြတယ်။ နဖူးစာ ရွာလည်ချင်တော့ နောက်သုံးနှစ် အကြာမှာ သူတို့နှစ်ယောက် ပြန်ဆုံတွေ့ပြီး ခွဲမရတဲ့ ချစ်သူတွေ ဖြစ်ခဲ့ကြပါတယ်။

ဒီလို သာမာန် ချစ်သူနှစ်ဦးဟာ သူတို့ချစ်ခရီးလမ်းမှာ စိတ်တူကိုယ်တူ အကြံအစည်တစ်ခုကို ကြံစည်ခဲ့ပါတယ်။ အဲတုန်းကတော့ ဒီအကြံအစည်ဟာ အင်တာနက်ခေတ် ကမ္ဘာကြီးမှာ သူတို့ကို နာမည်ကျော်သွားစေမယ်လို့ တွက်မထားခဲ့ကြပါဘူး။ အဲဒီ အကြံအစည်ကတော့ သူတို့နှစ်ယောက်ဟာ ကမ္ဘာပတ်ပြီး သူတို့ရဲ့ မဂ်လာပွဲကို ကျင်းပဖို့ပါပဲ။ နိုင်ငံတစ်နိုင်ငံရောက်တိုင်းမှာ အဲဒီနိုင်ငံရဲ့ ဓလေ့ထုံးတမ်းအတိုင်း သူတို့ မဂ်လာဆောင်ကြပါမယ်။

 မက္ကဆီကို ရိုးရာဓလေ့နဲ့ မဂ်လာပွဲ ကျင်းပစဉ်
(Photo via 2people1life)

သူတို့အကြံအစည်ကို အကောင်ထည်ဖို့ သူတို့ရဲ့ လက်ရှိအလုပ်တွေကနေထွက် သူတို့ပိုင်ဆိုင်သမျှကို ရောင်းချပြီး သူတို့ခရီးသွားဖို့ အတွက် ၂၅နှစ်သက်တမ်းရှိ "ပက်ကီ" (Peggy) လို့ခေါ်တဲ့ "ကမ့်ဘာ ဗင်" (Camper Van) ကားလေး တစ်စီးနဲ့ အသုံးအဆောင် အချို့ပဲ ယူဆောင်ပါတယ်။ ကားလေး ကိုလည်း တစ်နေ့ ဓါတ်ဆီဖို့ ဒေါ်လာ ၆၀ထက် ပိုမကုန်အောင် သုံးပါတယ်။ စားရိတ်စက သက်သာအောင် ဟိုတယ်တွေမှာ မနေပါဘူး။ ကမ့်(Camp) ထိုးလို့ရမယ့် နေရာတွေမှာပဲ နေကြပြီး အစားအသောက်ကို ကိုယ်တိုင် ချက်စားကြပါတယ်။

ကဲ ဒါဆို သူတို့ မဂ်လာဆောင် စားရိတ်ကရော... သူတို့နှစ်ယောက် မြန်မာပြည်က စပွန်ဆာနဲ့ မဂ်လာဆောင်တဲ့ သတင်းကို ကြားသွားတာပဲ ဖြစ်ရပါမယ်။ သူတို့နှစ်ယောက်ကတော့ သူတို့ရောက်တဲ့ နိုင်ငံ၊ မြို့နဲ့ မဂ်လာပွဲ ကျင်းပချင်တဲ့နေရာတွေက မဂ်လာဝတ်စုံ ရောင်းငှားတဲ့ဆိုင်တွေ၊ ဓါတ်ပုံဆရာတွေ၊ ခရီးသွားလုပ်ငန်းတွေဆီကနေ စပွန်ဆာ ယူပါတယ်။ စပွန်ဆာပေးတဲ့ လုပ်ငန်းရှင်တွေက  သူတို့နှစ်ယောက်စာ ၀တ်စုံ ဆင်ပေး ဓါတ်ပုံရိုက်ပေး နေရာဆင်ပေး (အကျွေးအမွေး မပါပေါ့နော်) စတာတွေ အကုန်ခံရုံနဲ့ မော်ဒယ် မင်းသား မင်းသမီး ရှာစရာ ငှားစရာမလိုဘဲ သူတို့ လုပ်ငန်းကို ကမ္ဘာတ၀ှမ်းကို အင်တာနက်ကနေ ကြော်ငြာ ပြီးသား ဖြစ်သွားတာကြောင့် နှစ်ဦး နှစ်ဖက် အကျိုးရှိသွားတာပါပဲ....

အခုဆိုရင် ဂမ့်န် နဲ့ ပဲလ်လင်းန် တို့နှစ်ယောက် ၂၀၁၁ နိုဝင်ဘာလ ကတည်းကနေ အဂ်လန်နိုင်ငံ မန်ချက်စတာ ကနေ အစ ဘီလဇ်၊ အီကွေဒေါ၊ ကိုလံဘီယာ၊ မက္ကဆီကို နိုင်ငံတွေအပါအ၀င် နိုင်ငံပေါင်း သုံးဆယ်ကျော်ခန့်ကို သွားရောက်ပြီး မဂ်လာပွဲတွေ ကျင်းပပြီးခဲ့ပါပြီး။ ဒါပေမယ့် သူတို့နှစ်ယောက် အခုချိန်ထိ တရားဝင် လက်ထပ်ထားတာ မရှိသေးပါဘူး။ တကယ်တော့ သူတို့ အကြံအစည်က သူတို့ရည်မှန်းထားတဲ့ နိုင်ငံအစုံကို သွားရောက်ပြီး အဲဒီနိုင်ငံတွေရဲ့ ဓလေ့ထုံတမ်းအတိုင်း အစမ်းသဘော မဂ်လာဆောင်ပြီးမှသာ သူတို့ စိတ်အတိုင်းအကျဆုံး ပုံစံနဲ့ နေရာကို ရွေးချယ်ပြီး တကယ့် မဂ်လာဆောင်ကို ကျင်းပမှာ ဖြစ်ပါတယ်။ သူတို့ခရီးကို ၂၀၁၄ ခုနှစ်ထဲမှာ အဆုံးသတ်မယ်လို့ စီစဉ်ထားပါတယ်တဲ့

သတင်းဌါနကြီးတွေဆီက အင်တာဗျူးကြောင့် သူတို့နှစ်ယောက်ကို လူသိများလာပြီး စပွန်ဆာ ကမ်းလှမ်းချင်တဲ့ လူတွေလည်း များလာပါတယ်။ အခုဆိုရင် ယူနီဆက် (UNICEF)ကလည်း သူတို့နှစ်ယောက်ကို သံတမန်ခန့်ကာ သူတို့နှစ်ယောက်ကနေ တဆင့် အလှူခံလျက် ရှိပါတယ်။ အင်တာဗျူးတွေမှာ ပြောတာက သူတို့နှစ်ယောက် ဒီအကြံအစည်ကို စခဲ့တာ ဒီလောက်ဖြစ်လာမယ်လို့ မမျှော်လင့်ခဲ့ သလို နာမည်ကြီးအောင်ဆိုပြီ တမင်လုပ်ခဲ့တာ မဟုတ်ပါဘူးလို့ ဆိုပါတယ်။

ကဲ ... စိတ်ကူးလေးကို အားမကျ ကျဘူးလား...

သူတို့ရဲ့ ဘလော့လေးကို သွားမယ် - http://2people1life.com/blog/

ကိုးကားရာ - http://www.dailymail.co.uk/news/article-2238100/Lisa-Gant-Alex-Pelling-Couple-tie-knot-29th-time--20-MORE-weddings-go.html

Thursday, January 3, 2013

ကမ္ဘာ့ ပထမဆုံး ခေါက်ဖုန်း

တစ်ချိန်က စတိုင်ကျကျနဲ့ အကြီးအကျယ် ခေတ်စားခဲ့တဲ့ မိုဘိုင်းခေါက်ဖုန်း (Clamshell/Flip mobile phone) ကို မော်တော်ရိုလာ (Motorola) ကုမ္ပဏီက ဇန်န၀ါရီလ ၃ရက် ၁၉၉၆ စတင်ထုတ်လုပ်ခဲ့တာ ဒီကနေ့ဆိုရင် ၁၉နှစ်တာကာလ ရှိခဲ့ပါပြီ။ အဲဒီ ပထမဆုံး ခေါက်ဖုန်းလေးကတော့ Motorola StarTAC ဖုန်းလေးပါ။

 (Photo via Here)

ဒီဖုန်းလေးဟာ တကယ့်ကို လူကြိုက်များခဲ့ပြီး အဲဒီတုန်းက ဖုန်းအလုံးရေ သန်း ၆၀ထိ ရောင်းချခဲ့ရပါတယ်။ ဒါ့အပြင် ဖုန်းလာတာကို အသံအစား Vibration လို့ခေါ်တဲ့ တုန်ခါမှုနဲ့ အချက်ပြတဲ့ ပထမဆုံး ဖုန်းလည်း ဖြစ်ခဲ့ပါတယ်။ ဒီဖုန်းလေးကို မြောက်အမေရိကမှာ စတင် မိတ်ဆက်ခဲ့ပြီးတော့ ဒေါ်လာ ၁၀၀၀ ထောင်နဲ့ စတင်ရောင်းချခဲ့တာပါ။ ဒီဖုန်းဟာ ၂၀၀၀ ခုနှစ်ရောက်တဲ့အထိ ကမ္ဘာအရပ်ရပ်က မိုဘိုင်းဖုန်း သုံးစွဲတဲ့လူတိုင်းမှာ ထင်ပေါ်ကျော်ကြားခဲ့တဲ့ ဖုန်းလည်း ဖြစ်ပါကြောင်း ဒီကနေ့မှာ ကျရောက်တဲ့ ကမ္ဘာ့ပထမဆုံး ခေါက်ဖုန်း မွေ့နေ့ အနေနဲ့ တင်ပြလိုက်ရပါတယ်။

ဒီဖုန်းပုံစံနဲ့ ထုတ်လုပ်ခဲ့တဲ့ ဖုန်းမော်ဒယ် အမျိုးအစားတွေကတော့ အောက်ပါအတိုင်းပါ။


Analog phones

  • StarTAC 3000
  • StarTAC 6000
  • StarTAC 6500
  • StarTAC 8500
  • StarTAC 8600
Digital phones

  • StarTAC 70
  • StarTAC 75 - GSM 1800
  • StarTAC 80
  • StarTAC 85 - GSM 900
  • StarTAC 130 - GSM 900
  • StarTAC 7000g - GSM 1900
  • StarTAC 8000g - GSM 1900
  • ST7760 (AMPS/TDMA)
  • ST7762 (AMPS/TDMA)
  • ST7790 (AMPS/TDMA)
  • 80071WNBPA (FCC IHDT5VG1) AMPS/TDMA (832/2412 MHz)
  • ST7797 (Tri Mode/Dual Band 800/1900 MHz. TDMA/800 MHz. AMPS)
  • ST7860 (Dual Mode/Single Band 800 MHz. CDMA/AMPS)
  • ST7867w (Dual Mode/Dual Band 1900 MHz. CDMA/800 MHz. AMPS)
  • ST7868 (Tri Mode/Dual Band 800/1900 MHz. CDMA/800 MHz. AMPS)
  • ST7890 (Tri Mode TDMA?)
  • ST7897 (Dual Band TDMA)
  • StarTAC 2004
  • StarTAC III
 Ref:
http://en.wikipedia.org/wiki/Motorola_StarTAC