အိုင်ဖုန်း ၅ သို့မဟုတ် လာမယ့် အိုင်ဖုန်းအသစ်ကို ပထမဆုံး ထိတွေ့ခွင့်ရမယ့် နိုင်ငံတွေထဲ စင်ကာပူ ပါမလား

အိုင်ဖုန်း (iPhone) အသစ် အသစ်တွေ ထွက်တိုင်း အက်ပဲလ်က (Apple) တကမ္ဘာလုံးကို တခါတည်း ဘယ်တော့မှ ဖြန့်ချီလေ့ မရှိပါဘူး။ အက်ပဲလ်တင် မဟုတ်ပါဘူး တခြားသော ကုမ္ပဏီတွေရဲ့ လူတွေ စိတ်ဝင်စားတတ်တဲ့ တခြားပစ္စည်းတွေ ဖြန့်တာလည်း ဒီအတိုင်းပါပဲ။ ဒါဟာ ဈေးကွက်အနေအထားကို ကစားတာရော ၀ယ်လိုအားကို အချိန်မှီ ဖြည့်ဆည်းနိုင်ဖို့ကို ထိန်းတာရောကြောင့် ပါတယ် ထင်ပါတယ်။

အခု ဒီလာမယ့်ညမှာ ကြော်ငြာနိုင်ချေရှိတဲ့ အိုင်ဖုန်း ၅ (iPhone 5) သို့မဟုတ် ဘာနာမည်ဖြစ်ဖြစ် အိုင်ဖုန်း အသစ်ကို စတင်ပြီးတော့ ပထမဆုံး ဖြန့်ချီမယ့် နိုင်ငံတွေထဲမှာ စင်ကာပူနိုင်ငံက ပါနိုင်တယ်လို့ သတင်းတွေ ထွက်နေပါတယ်။ အရှေ့တောင် အာရှ နိုင်ငံထဲမှာ အမြဲတမ်း ထိပ်ဆုံးက ပါနေကျ နိုင်ငံမို့လို့ သိပ်တော့ မထူးဆန်းပါဘူး။ အရင် မိုဘိုင်းဖုန်း စတင်ဖြန့်ချီတဲ့ သတင်းတွေကိုလည်း အမြဲတမ်း မှန်ကန်အောင် ပေးနိုင်တဲ့ အတင်းရင်းမြစ်တွေရဲ့ အဆိုအရ လာမယ့် စက်တင်ဘာလ ၂၁ရက်နေ့မှာ အိုင်ဖုန်း အသစ်ကို စတင်ဖြန့်ချီမှာ ဖြစ်ပြီး စင်ကာပူ က စတင်ဖြန့်ချီမယ့် နိုင်ငံတွေထဲ ပါဝင်မယ်လို့ စင်ကာပူရဲ့ "Hardware Zone" Forum သတင်းမှာ ဖော်ပြထားပါတယ်။

ကဲ ဟုတ် မဟုတ်တော့ ဒီည စောင့်ကြည့်ကြပါစို့။ စင်ကာပူ အချိန် မနက် ၁နာရီ မြန်မာပြည် အချိန် ၁၁နာရီခွဲမှာ အက်ပဲလ်ရဲ့ မိတ်ဆက်ပွဲ စမယ်။ ကျနော်လည်း သိပ်ညနက်ထိ မတိုင်ခင် ကြေငြာမယ်ဆို စောင့်ကြည့် ဖြစ်မှာပါ။

Corrected the time